قالولي يا أمي مش هشوفك تاني
وانك سايبه الحياه ومفارقاني
احساس صعب كان بيهد كياني
اعز الناس يسيبك و من بعده تعاني
قالولي بوس ايديها ورجلها
وانسى ان حد يحبك زيها
روح قوام ارمي نفسك في حضنها
دي اخر مره ايدك هتلمس وشها
قالولي هاعيش احلم يوم ترجعيلي
واسمع صوتك وانتي مره بتندهيلي
اشكي ليكي وانتي دايما تسمعيلي
في عز همي واقفه جنبي نهاري و ليلى
قوليلي واديني فعلا عدت بيا سنين وسنين
ولسه عنيا على طول ليكي مشتاقيين
روحي وروحك كانوا واحد مش اتنين
بدعي ليكي بالرحمه دايما من رب العالمين
ليست هناك تعليقات:
إرسال تعليق