===========--- كان نفسى ازرع نهار جديد
####################################
كان نفسى ازرع نهار جديد
وانضف الشمس من الغبار
واعيش سعيد
وامسح من عيونك غيوم الانتظار
واعمل لك قمر يونسك
يطل ساعة ما تشتاقى لنهار ويحرسك
كان نفسى اعرف جواب
لسؤال ماسالتهوش
واعرف مكانى فى دنيتك
بس ما عرفتهوش
مرمى على كل رصيف
لقطر مالحقتوش
هما الغلابة كدا بيعيشوا حلم فاشوش
تعبت ابقى كدا
بين البشر فنكوش
ساب الشرع مركبى
والموج كان مغشوش
كان نفسى يكون لى مرسى
بس العشاق مرضوش
سندت على حيط معبدى
وصليت باخر خشوع
بكت دموعى بصوت مش مسموع
فى دنيا لاقيت البكا فيها ممنوع
انا الضعيف بحلمى
تهت وما عارف منين الرجوع
بشتاق لنظرة تضمنى وتردنى
لاول ميلاد
اصعب ما فيكى يا دنيا
ان كل شىء بلا ميعاد
لاالموت ولا الحياة
ولا رجوع اللى راح اخر البلاد
ياريت يا ثومة تغنى وتعيدى
فات الميعاد
=====================محمدعبدالمقصودداود
ليست هناك تعليقات:
إرسال تعليق