(وحَذَّرتَك وقُلت مفيش فُرَص تاني ما صَدَّقتِش)
جَرحت عيوني ما رَمَشتِش
بَعت هَوَاك يطَيَّر قلبي ما هَمَستِش
خَبَطت الرُّوح بِألحانَك
بَدَرت ف غِيطي أفراحَك وأحزانَك
وكان الطَّرح أشْوَاكَك ونُكرانَك
صَبَرت عليك ووَشْوِشت الَّليالي كتير
تكون مِرسَال لِقَلبَك طِير
يحَنِّن كل أشواقَك
ولكِنَّك
هَزَمت مَعاني أحلامنا
رَسَمت طريق لأيامنا..مالوش تَفسير
وحَذَّرتَك..
بلاش تُسكُت..بَلاش تِعنِد
بلاش تَهجير..مَفيش فايدة
خلاص كل الفُرَص خِلصِت
خلاص النَّار ما هِش قايْدَة
مَفيش فايدة
الجملة المقوسة للشاعر
ليست هناك تعليقات:
إرسال تعليق