انا آخر واحد يتكلم
انا بأسكت علشان أتعلم
انا بأتعب لو يوم حبيت
وفارقت اتعذب واتألم
انا صابر عشان الايام
بتشد حلاوة الأحلام
بتهد بواقي الحنية
بتعلمني أشد علام
انا عايش أخر توهان
ومكان بيوديني مكان
وأتجاهل وأستحمل وأصبر
وأستاهل ضرب الأحزان
حبيتهم صدقت كلامهم
وأما احتاجت لهم كسروني
ظلموني ولا جاش على بالهم
ازاي بكلامهم جرحوني
قالوا عليا منهم
طبعا انا صدقتهم
قلبوا عليا كلهم
مع إني كنت بحبهم
اه يا قلبي بتوجعك
بس بتوريك حبايبك
تنده ماحدش يسمعك
كله وقت الشدة سايبك
هو مين حس بغيابك
كله باعك كله سابك
وانت مهما تكون مهم
مش مهم يهون عذابك
مين تلومه على الخيانة
وانت كده من ايد لايد
ايد تطبطب بعدين تعذب
وايد بتضرب بالحديد
هي دي هي الحياه
كله واخد اتجاه
اللي ينزل غصب عنه
يتوجع مايقولش اه
واللي تيجي الدنيا عليه
اي ايد بتسيب ايديه
كله ليه يتخلى عنه
حتى مابيعرفش ليه
يسهر الأيام يفكر
مين ف جرحه جرحه اكتر
مين حياته غصب عنه
دنيته أحزان بتكتر
ياللي عايش زي حالي
عاملة ايه فيك الليالي
شوفت لما الدنيا تقلب
القلوب ماتشوفش غالي
بين قلوب الحب فيها
قصة لازم تنتهي
قصة صعب نقول عليها
وقصة ممكن تنحكي
قصة ممكن تنحكي
احمد أحمد صبري
ليست هناك تعليقات:
إرسال تعليق