،،، وترجع زي كل مرة ،،،
وترجع زي كل مرة
يا قلبي بجرح كبير
مين فينا السبب
ولا مفيش نصيب
بنى لي قصر في السما
والقمر كان مني قريب
والنجوم حوالينا فرحانة
كأنه أجمل حبيب
مسك إيدي وقالي تعالي
نقول لدنيا كلها
حبنا عن قلوبنا
عمره ما يغيب.
ورسم لي كام حلم جميل
على كام أمل كذاب
على ضحكة وراها ألف باب
و صدقته و مشاني على الحرير
لما وقعت
سقاني عسل من البير
عليهم شويه خداع لزوم التحابيش.
وقالي إشربي خلي قلبك يعيش،
معايا هتشوفي دنيا تانية،
دا أنا ضميري نضيف،
معايا هوريكي إللي عمرِك ما شفتيه
خد مني كل اللي حاجة جميلة،
و سابني وقالي معرفكيش.
أتاريها أوهام في الهوا بتطير،
حاولت أمسكها،
لكن صحيت على جرح كبير،
والجرح المرة دي ملوش طيب.
مثل بإتقان دور البريء،
قولت لك يا قلبي إنك طيب
في الدنيا دي مش هتعرف تعيش
خلاص تستاهل تموت بالبطيء،
بقلمي
زينب الرفاعي
ليست هناك تعليقات:
إرسال تعليق