الرد على خماسيات ،، ورباعيات الفـــلاح الفصيح الشاعر الكبير معوض حلمى يتألق مع الشاعرة هيام الشهاوي
معوض حلمي
......... م العين دي ، والعين دي .........
فيه واد يعيش الشقى ، وواد حياته نعيم
وواد ف وقت اللـقا ، يضحك وقلبه لئيم
لابد ف غيـط الــدره ، مكار وسـهمه أليم
وواد يصون صحبتك ، أمين ومش هلاس
وواد دنـي وخـباص ، يرميك فبحر الضيم
يادنيا بحـرك هـــاج ، وحيـلنـا مـش قادر
شراعـنا عـت وداب ، مـن موجك الغــادر
شطك مالوهش وتاد ، ساب الحـمام هاجر
حتى المـراسي نست ، سـاعة وداع لاحباب
كان دمعــها كـداب ، والا الضـــمير نافــر
...........................................................
مــــــــــــــــــــــوال ربـــاعـــــــــــــــــــــــــــي
ماتيجي نحيي الأصول ماتقولش عندك وعندي
مانسيبش زن العزول يزيد في عندك وعندي
تحفظ عشـاني الـود ، على شـوكي هامشيلك
هافرد قلوعي واشيلك ف العين، دي والعين دي
...........................................................
هيام الشهاوي
فى واد قليل الأدب موجود هنا ع الفيس
وكمان سريع الغضب شكله ولا ابليس
ماعرفش ايه السبب يمكن يكون عتريس؟
اقفل بيبان النكد ع الهم والأحزان
وافتح بيبان الفرح وياحلمي يله نهيص
هههههههه. هههههههه
يادنيا بحرك هاج وحيلنا مش قادر
ع الشط انا صياد والرزق ليه نادر
هدى بقي الأمواج دا روحنا فى الشادر
امته يجينا الفرج على كل شكل ولون
ونشوف شبكنا خرج نسعاله ونبادر
@@@@@@
تحفظ عشاني الود على شوكي أمشيلك
مش كل ماابني تهد وعايزني اغنيلك
لو كنت يوم بتسد أنا كنت أبنيلك
قالوا ابن كارك ند تبعد أناديلك
عد الجمايل عد ايه تاني أهديلك
تحياتى استاذى وشاعرنا الكبير
ليست هناك تعليقات:
إرسال تعليق