راح زمان الطيبين المخلصين
وما عادش باقي منهم غير السراب
وبيت قديم حيطانه مبنى طوب طين
وسقفه كان حبه خشب قش وتراب
وبابه كان من ضلفتين
بيقفلوا بترباس حديد اسمه الغراب
والبيوت كانت زمان بتساع حبايب
متجمعين كده كلهم ما في حد غايب
واللقمه كانت تتقسم بينهم اكيد
واي ضيف يحضر قوام يلاقي له نايب
و ناس بتيجي وناس تروح والبيت يساعي
والحبايب بتلاقيهم متجمعين من غير سبب ولا داعي
كانت المحبه بتلاقيها يا عم اصلي
دلوقتي صبحت المحبه ذكاء صناعي
بقلمى /محمود طه
ليست هناك تعليقات:
إرسال تعليق