العصفور والغراب ... بقلم للشاعر ..
إبراهيم شبل
عصفورٍ انكسر جناحه
وعايز للسما يطير
وشمس النهار عليه
نارها مولّعه كتير
و الغراب منه بيغير
ولا يسمع نُدا الأحبة
واقفله في وشّه نفير
وعايز ياخد منه قلبه
العصفور طيب أمير
والغراب بالسما بيقتله
من غير رحمة ولا ضمير
والبوم قام يشيد بيه
والنسور بتحبه كتير
والحمام يتوسّل ليه
والعصفور عايز يطير
ده حقّه يعيش بالحياه
والغراب عاوزه أسير
سيرته بالعدا طويلة
ولا كان بالطير كبير
بالسما فرحان بذيله
نسي آنه له مصير
الحمام خايف بدربه
وللغراب حيل كتير
دا همه إكله وشربه
العصفور مقاوم شهير
و لاقى حتى إخواته
طاروا وجناحه كسير
تاهوا بعيد في البحر
العصفور عاشق سماه
ما سيبها حتى بالأمر
هيفرد جناحه بدواه
شجاعته طول العمر
والغراب بيشد حيله
العصفور عاوز النصر
وشداد باولاده الضهر
ولو دفع أولاده المهر
مكانه مش راح يسيبه
والغراب يموت بالقهر
النصرحق لمين يطلبه
ولو قاوم طول الدهر
الشاعر /إبراهيم شبل
ليست هناك تعليقات:
إرسال تعليق