اللعب مع الكبار
هيام الشهاوي ترد على خماسية الشاعر
الكبير معوض حلمي
اعذرينى
نصي الأخير اللي انكتب عنك ماكنش لايق
المعني خان المداد وسابني متضايق
خوفي عشش فى الحشي والبرد جاي سايق
ماعرفتش ارسم ع السطور لهفتي وحيرتي
فاعذرينى ياحبيبتى البال ماهوش رايق
@@@@@@@@@@
هيام الشهاوي
عذراك
@@@@@
عذراك وحاسه بلهفتك وهواك
واعرف كمان ان فى حبي دواك
باستنه منك أى كلمة شوق
وتطمن القلب اللى تاعبه معاك
حساك وعارفه كنت ليه متردد
خايف لاحبك فى الهوا يتبدد
خايف تقرب من قساوة الرد
وانك فى حبي تنجرح بالصد
لا ياحبيبي قلبي قالها ورد
انه فى حياته يوم ماحبش حد
الا فى حضنك عاش ونام واتمدد
هههههههههه
ولو تسمح لي أستاذى
أهديك هذه الأبيات أرجو ان تنول إعجابكم
نصى الأخير عنك ماكنش يليق
وعانيت كثير من قسوة التعليق
المعني خانني بس غصبا عني
ردك وحلمك ساب فى قلبي حريق
اعذرني واقبل أسفي واستنكاري
دانت ياحلمي اقرب واعز صديق
ليست هناك تعليقات:
إرسال تعليق