الديب بيلعب في البلد حلق وحوش
ورموش حبايبنا العجب ما بيستحوش
بيحطو فوق الكرسي كيس
اما الشهامة، والمروءة متسألوش
الديب كريم أقصد لئيم
عمره ما كان صاحب سليم
واخواتنا اللي اسمهم
واللا الأسامي ماتسويش
ما بيخجلوش
قام جابلهم فدان طرح
قلبه انشرح لما الحريم
قصدي العيال لبسوا الطرح
واللي يفكر أو بعقله يوم سرح
هيجبله يشمك أو ملس
الديب ياخويا من زمان
طبعه الغلس
راح للكبير
اللي يظن إنه الكبير
أحميك واجبلك في البلد مليون غفير؟
بس الغفر
في الأصل بيحبوا البنات
وحاجات من اللي ماتستهلش
من يومها داير بالطرح
كل الكراسي والمناصب والرتب
لبسم طرح
ليست هناك تعليقات:
إرسال تعليق