صلة الدماوعى تفكر بعد ماتغلط
ح ارجع تاني اليك واسامح
ياما سامحتك .عديت غلطك
وأنت لسانك دايما جارح
صلة الدم ف مرات حكمت
ونسيت.وأنت بحقدك جامح
حتى كلامك كله .. قباحة
ونسيت إنك ابن امبارح
وإن مابيني وبينك عشرة
من عيلة واحدة وعيبك طارح
كل قساوة قلبك .. احضن
خليك عايش فيها وقاوح
بس مابينك ومابين نفسك
بوح بغباوتك ليها وصارح
شوف خسرانك ليا ده دايم
له أسبابه وهمه الشارح
قلبي الشايل منك قافل
فارق سيرتك وخلاص بارح
بقلمي/ صفاء الخواجة 
ليست هناك تعليقات:
إرسال تعليق