بلاش تسألى
بلاش تسألى حبى ليكى راح فين
ماانتى اللى قتلتى جوايا الحنين
عايزة تعرفى إجابة للسؤال
تعالى أحكيلك حواديت ومواويل
حبك كان الهوا بالنسبالي عايش عليه
هوا الذاد والدوا كل يوم ماشى عليه
ضحكتك طلتك بسمتك لمسة ايديكى
صباحك مساكى عارفة كانت
بتعمل فى قلبى إيه.؟
جيتى إنتى فى لحظة كل دا منعتيه ليه
أنا بسألك منعتى عنى الدوا ليه إنتى السؤال ليكى وياريت تجاوبى عليه
قبل ماتسالينى حبك مات ليا ليه
أقول كمان ولا كلامى جارح
مش عايزة تسمعيه
قبل ماترمى اللوم عليا
اعرفى إنتى منعتى عنى إيه
ياما سهرت ليالي كنت فيها وحيد
محتاج وليف اشكى همومى ليه
ويحس بيا جوايا إيه
يطبطب عليا ياخدنى فى حضنه
ويقولى مالك حبيبى فيك إيه
كنت فى حضنك بنسى الهموم
مهما كان فيه عتاب ولوم
وابدا يومى من جديد
عايش في الدنيا سعيد
حرمتينى من حضنك
اللى كان بالنسبالي عيد
ولسة جاية بتسألى حبى ليكى راح فين
أسألى نفسك السؤال إنتى اللى مات
جواكى الحنين.. وياريت بلاش تسألى
بتقيدى فى قلبى نار مشعللة بقلها سنين
ياريت بلاش تسألى حبى ليكى راح فين
إنتى اللى قتلى جوايا الشوق والحنين
بقلمي الصياد محمد
ليست هناك تعليقات:
إرسال تعليق