وترجع زي كل مره
وترجع زي كل مره
يا قلبي بجرح كبير
مين فينا السبب
ولا مفيش نصيب
بنى لي قصر في السما
والقمر كان مني قريب
والنجوم حوالينا فرحانة
كأنه أجمل حبيب
مسك إيدي وقالي تعالي
نقول لدنيا كلها
إن حبنا عن قلوبنا
عمره ما يغيب
ورسم لي كام حلم جميل
على كام أمل كذاب
على ضحكة وراها ألف باب
و صدقته ومشاني على الحرير
لما وقعت
سقاني عسل من البير
عليهم شويه خداع لزوم التحابيش
و قالي إشربي خلي قلبك يعيش
معايا هتشوفي دنيا تانيه
دا أنا ضميري نضيف
معايا هوريكي إللي عمرِك ما شوفتيه
خد مني كل حاجه جميلة
وسابني و قالي معرفكيش
كل كلامه أوهام في الهوا بتطير
حاولت أمسكها
لكن صحيت على جرح كبير
والجرح المرة دي ملوش طيب
مثل بإتقان دور البريء
ما قولت لك يا قلبي إنك طيب
في الدنيا دي مش هتعرف تعيش
خلاص تستاهل تموت بالبطيء
بقلم ....
زينب الرفاعي
ليست هناك تعليقات:
إرسال تعليق