--================الموت بيجى من غير طلب
#####################################
الموت بيجى من غير طلب
ولا رغبة
طاب ليه الحياتنا غربة فى غربة
وليه الشيب بيحكم مشاعر رطبة
يهجم الشيب ما يخلى ولا شعرة
تهرب حوريات الطفولة والبراءة
لظلمة اللهفة
وتخطفك لفة ورا لفة
تقع حصون الروح وتسلمك للعتمة
لحاجات فى حواديت زمان
فتلبس تجاعيدك
تختار الصمت فى ردودك
وتخبى حلمك فى وريدك
تزهد فى كل الامانى
وتنسى يوم عيدك
الطفل اللى جواك لسه بيحكى حواديتك
يلمح شعاع الحياة
من نبضة فى جيدك
لساها واقفة ف فى نفس الحلم
كفوفها حلم
ضفايرها حلم
وعيونها سما ونجوم بتحكيلك
جبينها طاقة نور
وسطور تغنيلك
شاركتى كل الطرق مشوار انتظارك
عودت قلبك ع الرحيل
والحزن كان دارك
لسانا رغم السنين بنرمح فى اسرارك
الموت بيجى من غير طلب
وانا مصلوب على ليل افكارك
---------
البذرة تحضن حشا الارض
وتكبر بالطول وبالعرض
والحب يحضن حشا القلب
وصعب يزول
والوطن له فروع فى الصدور
يحزن ولا عمره يخون ولا يجور
هو امانة ودين
الارض والعرض اساس للكون والتكوين
==================محمدعبدالمقصودداود
ليست هناك تعليقات:
إرسال تعليق