فين أيام الإحترام .... ؟؟؟،،،،إيهاب السقا،،،،،،،،،

فين أيام الإحترام    .... ؟؟؟
لما كان لكبيرنا شَنّه
الكل واقف بإلتزام
إن كان لِعَمّ أو لِعَمَّه
الكل هُس ،،،ده عَلام
وإللى يِغلَط
يا دوب حِزام
كبيرنا قاعد حوالين مِشَنّه
حافظ لهيبته بإتزان
مستنى نتجمَّع ف لَمّه
والكلام ،،،،،،،،،بالميزان
وع الأكل نسكت،،،مفيش كلام
ف الطشت نقعد ،،،،،،نستحمى
كان سايعنا ،،،،،،،،،بالتمام
فين أيام الإحترام ؟ ؟
كنا نِرضى بكل حاجه
والنفس راضيه
مش محتاجه
نخاف نقول
لكبيرنا حاجه
كنا حاسين بالأمان
كات قلوبنا
من جوه فاضيه
والنفوس كانت مسامحه
والبيوت للكل سامحه
كنا راضيين بالمكان
كلمه كبيرنا،،،،كلمه قاضيه
هى مَرَّه،،،،وتبقى ماضيه
مفيش هزار،،،،،،مفيش كلام
فين أيام الإحترام ؟؟؟؟؟
،،،،،،،،،،إيهاب السقا،،،،،،،،،