............. في سوق منصوب .. الناس عايشه ..!!.. بقلم .. الشاعر .. هلال البنا .. أبو كبير شرقيه

هلال البنا في
الناس عايشه
،،،...،،،...،،،...،،،
الناس عايشه في
............... سوق منصوب
فيه الغالب والمغلوب
ناس قلوبها زى الطوب
وناس وياها الخيرمكتوب
وناس بتفكر بالمقلوب
وناس لوتغلط ﻻزم تتوب
سبحان ربك هو الواهب
يدى الواهب والموهوب
الناس عايشه
.............. في سوق منصوب
في ناس غايبه وفي ناس حاضره
وفي خايبه وفي ناس شاطره
وفي ناس خلطه بين لتنين
في ناس فاكره وفي ناس ناسيه
وفي ناس ماشيه وفي ناس قاسيه
وفي ناس أغلب م الغلبين
الناس عايشه
.............. في سوق منصوب
أصل الدنيا شيئ مرغوب
فيه المكروه و المحبوب
والذوق والأخلاق العاليه
تلق صاحبها فوق الفوق
والندل وأخلاقه الواطيه
تلقاه اوطى من المركوب
الناس عايشه
............. في سوق منصوب
يابخت إللى يبات مغلوب
أصل الدنيا زى السوق
فيه ناس تحت وفيه ناس فوق
وبعد مناخد بالأسباب
وتوكلنا على الوهاب
لازم نرضى بالمكتوب
الناس عايشه
................ في سوق منصوب
هو الرازق والرزاق
وهو مقسم الأرزاق
جعل الرزق فوق في سماء
معلوم ومكتوب في كتاب
ولا بشطاره ولا بزكاء
وكل شيء معمول بحساب
الناس عايشه
................ في سوق منصوب
سبحان ربك الوهاب
خالق الطالب والمطلوب
يدي بنات ويدي ولاد
يدى الواهب والموهوب
هو مسبب الأسباب
خالق الدنيا زي سوق
والناس عايشه
.............. في سوق منصوب
مع تحياتى هلال البنا أبو كبير شرقيه
،،،...،،،...،،،...،،،...،،،
في الناس عايشه

١