ذكريات .. بقلم .. شعر .. على ياقوت

واقف تحت المطر وحباتة
جميل الشتاء جدا واوقاتة
ولمة الصحاب وسهراتة
ابن عمى وخالى واخواتة
زكريات محدش نساها فى حياتة

فاكرين ايام المدرسة والجامعة
طالعين الصبح ال وقفة فى
الشتاء وال من سوء حظها واقعة
وال ماسك جزمته فى ايدة
وال صندلها فى ايدها قالعة
وال ماسك شمسية فى ايدة
بيدرينا بيها وروحة من البرد طالعة
كانت ايام زى العسل ياريت
راجعة ولا مش راجعة
وكبرنا والشتاء معدى
والعمر بيجرى ولا مهدى
بيطلع لينا لسانة وبيقول
محدش فيكم هنا قدى
كان نفسي اقعد معاكم وكان ودى
بس ياخسارة ماهو بيدى
ايامكم معايا محسوبة
وعلى قد حلوكم ومركم بتدى
وخطوط ايامكم مرسومة على خدى
يوم رايح ويوم جاي ويوم هزار ويوم جدى
وفى النهاية كلنا رايحين
وانت ياايام الشتاء علينا ليكي دين
والنبي تسدى
شعر على ياقوت