خلاص مسافر....الشاعر .. سميرمحمود

خلاص مسافر
معادش فيك مكان لفرح
كاسية الأماني بدموع وجرح
و زرعي فيك مش لاقي طرح
والحظ عاثر
...........
أنا مش هجيلك اودعك
ولا هحكي ليك ولا اسمعك
وإن كان فراقي هيوجعك
برضو هغادر
............
ازاي أعيش ومطولش قوتك
واما أعترض تبدي شروطك
وفي شدتي تهديني موتك
وتحطي ساتر
...........
دانا إللي زارعك سوسنا
ماشربت غير مر وضنا
والعمر شاب فيكِ إنحنى
ومعادش قادر
..............
وحاولت ياما معاك لكن
الحب فيك مكانش ساكن
ولاكنت مرة للإبن حاضن
ولا عامله خاطر
...........
خلاص ياغالية هروح وأسيبك
ووعد مني هداري عيبك
واذا اعتذرت هرجع حبيبك
وأنسى إللي صاير
#سميرمحمود

أعجبني

تعليقمشاركة

التعليقات

اكتب تعليقًا...