😢يلا سافر😢بقلمي أ. مشيرة النقيب

😢يلا سافر😢
###
يلا سافر
برضو عادي
تبعدونا مش هنغضب
من هواكم مش هنهرب..
بس هو سؤال لقلبك؟
فين ذنوبي؟
ليه أنا تحملني ذنبك
إيه عملته؟
مانتاهوه ف حالك وسايبك
ليه بتتلذذ بجرحي
ليه تخبي عني همسك
ليه بتغلط؟
بس أنا اللي عليا أصالحك
قولي غلطة!!!
قولتها وسببت زعلك
ياما قولت كلام قتلني
بسمعه ولازم أسامحك
تهرب الأحزان ببسمةمن ملامحك
رد قولي..
تمشي ليه؟
قول بتهرب مني ليه
هوَ فاضل مني ايه
ولا إيه ناقص ف عمري
لما بتعذبني فيه؟
عاوزة أقولك
يلا إبعد روح براحتك
روحي شِبعت من قساوتك
يلا سافر
برضو عادي
مش هحايلك
يلا سافر
بقلمي
أ. مشيرة النقيب