عتاب ... الشاعر .. سامي ابو الغيط

ماتكشريش والنبي
تكشيرتك ب توجعنى
قلبي اللى حبك غبي
ب اندهله ماسمعنى
حايلته ينسي بقى
قال ب الرخيص باعنى
كاسك ويلا اشربى
من لوعته لوعنى
لو قلبك انتى رفض
كل الحياة ما تساعنى
عملت الوريد مشنقة
مارضيش يشعلقنى
استحرم اموت م الهوا
يمكن بقى تحنى
ونرجع نعيشها سوا
وف الجنه ترفعنى
ونعيد ليالي الهنا
ما ترخميش يعنى
انا أصلي عاشق غبي
و العشق مرمغنى
من شهدى يلا اشربي
وم الحنين شبعنى
ماتكشريش والنبي
تكشيرتك ب توجعنى
سامى ابو الغيط

أعجبني

تعليقمشاركة

التعليقات

اكتب تعليقًا...