دعوه للعوده .. شعر: سعيد حمدي .

دعوه للعوده
-شعر سعيد حمدي
ياحبيبي بطل عناد
وكفايا بعاد وجفا
ده انا قلبي متشوق تعود
ونعيش ليل الصفا
ياحلو الطبايع متكونشي بايع
ويهون عليك فراقي
وانا العطشان لحنانك
والقلب شراقي
وشتلت شجر الحنين
في طريق التلاقي
وليه تعند معايا
وتزيد الجفا
ياحبيبي بطل عناد وكفايه بعاد وجفا
يابو العيون السود ليلي
البعاد طول عذابي وويلي
تعالي ياقمري :نورلي ضويلي
ده القلب من كاس الفراق
شرب واكتفه
ياحبيبي بطل عناد وكفايا بعاد وجفا
ده انا قلبي متشوق تعود ونعيش ليل الصفا
وحياتك :ماتنسي العيش والملح
وانا بغزلك طوب الفرح
من قطن الهموم والجرح
وقلبي نفخ جراحته
مع ظفراته
واهو فاردلك دراعته
لحضن الشوق والدفا
ياحبيبي بطل عناد وكفايا بعاد وجفا
انا قلبي متشوق تعود ونعيش ليل الصفا

#شعر: سعيد حمدي .