( يآ ألف خساره ع الولد )خواطر ( أشرف الدغيدي )

( يآ ألف خساره ع الولد )
كلمه وهقولها وفالقلب حسره وألم
ليه الشهامه والنخوه فينا صبحت عدم

راحوا فين اللي كانوا ولاد بلد
والرحمه گانت فين ع الولد
كمسري ومعدوم من الرحمه والإنسانيه
وناس معندهاش لآ نخوه ولا حنيه
موجودين وبعنيهم كلهم شايفين
كمسري مجنون وغلابه محتاجين
بيرميهم من القطر من غير شفقه ولا دين
إخص علي ناس ودانها طين وعجين
هي الرحمه رآحت فين يابني آدمين
فين الولد وأبوه اللي هزم العدو وعبر
ياألف خساره علي قطر ومليان بشر
مطلعش فيهم گام راجل شهم وجدع
هان عليه گام جنيه للغلابه ودفع
ورفض ظلم وذل قدامه لإنسان وقع
او واحد كان سلف ياعيني الولد ورحم
او منعوا الكمسري العِرّْه وضربوه بالجزم
ولو كل واحد من اللي شاف بعنيه
اتبرع ودفع لله خمسه جنيه
والله ماعارف اقول ايه ولا ايه
لو كل واحد موجود اعتبر الولد ده إبنه
ماكنش مات قدام عينه واتحمل ذنبه
الكل شارك في الجريمه يابشر
لما روح الولد راحت قدامكم هدر
مش بس الكمسري اللي لازم يتحاسب
اللي شاف بعنيه وفضل هو كمان ساكت
هيا الرحمه والإنسانيه للدرجه دي ماتت
والروح اللي ماتت هيا رخيصه گانت
اللعنه ع الشهامه اللي فينا رآحت
والعار علي كل عين غمضت لما شافت
وياألف خساره ع اللي راح من غير تمن
دنيا وضاعت فيها كل المباديء والقيم
وماتت جوانا الرجوله وشهامة ولاد البلد
وآه يادنيا آه..ياألف خساره ع الولد
خواطر ( أشرف الدغيدي )

١