معرفتش إنك ظالم ..! بقلم .. بتول العتربي

معرفتش إنك ظالم
ولا قلتش أنا ندمان
كان زمان القلب حالم
يحلم إنه شاف مكان
يعشقه يعرف بأنه
ملكه لكن كان زمان
كان زمان الورد يضحك
يوم لقاك كان أمان
بهنى يومى سعدى يطرح
لكن دا أصله إللى كان
كان ساعتها البدر ساطع
مالى ضيه المكان
وفى حنانك عشت ياما
بس راح كل إللى كان
يوم ما شفت الغدر منك
قلبى يبكى والكيان
الكيان اتهد بيا
واتقفل بنا البيبان
وانت بتضلل عليا
كنت فاكراه الحنان
قلبك القاسى بيهرب
قلبك أنت إللى خان
قلت ياما يا حبيبتى
باعشقك
وتجيب فى سيرتى
وأنت فى أصلك جبان
معرفتش إنك ظالم
ولا قلتش أنا ندمان
# بتول العتربى

٥