بحبك يابلدى .. بقلم الشاعر .م .. فهمى على نصر

برغم ان ليلك في عيني سواد
و ملياني قهرا و ناسية المعاد
بترمي ف روحي وجع مش طبيعي
و رافضة اني الاقي فطار للولاد
برغم ان صبحك على السكة تاه
بدون عذر خالص فداس ع الحياة
و باعت عيال ماسكة شومة و سنجة
على البعد نفسه نقول تاني اه
برغم الهموم اللي فينا بزيادة
و صارت طبيعي و منهج و عادة
لكني باحبك و دايب ف حبك
و عشمان اشوفك ف صف القيادة
و لساني باحلم و فيكي الآمال
لأنك بناسك تهزي المحال
فهمي يا خضرا و كفاية علينا
تدمع عنينا و طالبين وصال
يا خضرة قلوبنا بتعشق ترابك
فليه بتسيبينا حياري بعذابك
تعالي و كفاية نروح للنهاية
فننسي البداية اللي حلم لشبابك
#فهمي_علي