كسرة القلب اللي كانت مكتوبالي
كنت صامدة
رغم حبي وابتعادك
كت بتحلو المعاندة
كنت تايهة
كنت شايفة نفسي شوك
بس شايفاك إنت وردة
كنت شايفاني أبالسة
لكن أنت من الملايكة
فجاة أصحى
يصحى قلبي مرة واحدة
ألقى صدمة... حُب خاين
صاحبة خاينة
كنت نايمة
وف سفينة حلم عايمة
فجاة تتكسر سفينتي
ألقى قبطان السفينة حد تاني
حد خاين حد اكتر من اناني
حد بعد الموت كواني
اصحى من نومي النهاردة
ألقى دمعة ألقى حسرة بس زايدة
ألقى دنيا. . ماليها فايدة
ألقى عمر.. طويل وعدي
ألقى أحلامي بتفشل مرة واحدة
ألقى صدمة
حب فاشل صُحبة فاشلة
ألقى حبك مش طريقى
إني طول الوقت متغيب حقيقي
لازم أصحى لازم أنسى ألف مرة
لازم اهرب م الطريق دا
لازم أهرب
بقلمي
أ. مشيرة النقيب
ليست هناك تعليقات:
إرسال تعليق