يا حبيبى بطل عناد
وكفايه بعاد ..وجفا
انا قلبى متشوق تعود
ونعيد ليل الصفا
يا ابو العيون السود ليلى
البعاد زود عذابى وويلى
تعالى يا قمرى نور لى
ضويلى ..
ده القلب فى ليل الهموم تاه واختفى
يا حلو الطبايع
ما تكونشى بايع
ويهون عليك فراقى
وانا العطشان لحنانك
والقلب شراقى
وشتلت شجر الحنين
فى طريق التلاقى
وليه تعند معايه
وتزيد الجفا
يا حبيبى بطل عناد
وكفايه بعاد وجفا
وحياتك عندى
ما تنسى العيش والملح
وانا بغزلك فى توب الفرح
من قطن الهموم والجرح
وقلبى نفخ جراحاته
ويا زفراته
وهو فارد لك دراعاته
لحضن الشوق والدفا
يا حبيبى بطل عناد
وكفايه بعاد وجفا
انا قلبى متشوق تعود
ونعيش ليل الصفا
شعر ...سعيد حمدى ............
ليست هناك تعليقات:
إرسال تعليق