أنا منك .. شعر .. سمير محمود

مفيش ف الكون مايشبهلك
مفيش زيك مفيش شكلك
ياريتني ناي وانا أعزفلك
ياريتني شموع ف قنديلك
...............
أناإتربيت على نبضك
شربت الحب من يدك
انا الشهد اللي من وردك
وقرآنك وتوراتك وإنجيلك
..................
أنا الغنوة اللي بلسانك بغنيها
وأنا الحكمة اللي ف كتابك معانيها
وأنا الكلمة اللي جلادك بيطفيها
وأنا شرحك وتفسيرك وتحليلك
..................
ياست الكل أنا إبنك
فصيلة دمي من دمك
وطول عمري بشيل همك
فمن فضلك بلاش صدك بلاش ويلك
#سميرمحمود

٢