دار البكاء كلمات الشاعر محمد السيد سالم ( زجل ) بقلم .. كلمات الشاعر محمد السيد سالم

دار البكاء
بسم الله توكلنا على الله
تم افتتاح دار للبكاء
والحاضر يقول للمعاه
يله نجمع فى الاسماء

عرض خاص عرض اه
لكل مدبوح من اى داء
للى مستحمل بلاه
واللى صابر على البلاء
للى ضايع واللى تاه
للى مسروق منه الوفاء
للى بيذاكر فى اااه
واللى راسب فى انتماء
واللى مش عارف دواه
واللى بيعافر فى داء
واللى مش عارف لقاه
كل عمره كان عناء
وإللى حظه كتير اذاه
واللى مدبوح مالفراق
واللى خاب ظنه معاه
واللى آلآمه احتواء
واللى ظلموه الجناه
واللى محتاج للعطاء
واللى باحث عن نجاه
عندنا فى دار البكاء
كلمات الشاعر
محمد السيد سالم

٣