البنات.....البنات.......البنات ... بقلم .. ناهد الموجي ... شاعرة مصرية

البنات.....البنات.......البنات
🌿🌿....🌿🌿...🌿🌿
بيقولوله

بكفياك خلفة بنات
غَير العتبة وهات
زوجة ولادة وبكفاية آهات
،،،،،،،،،،،،،،،،،،،،،،
خلفة الصبيان عبادة
ساندة للضهر بزيادة
رافعة راسنا للممات
هو دا .فكر العاهات
الولد فى الخلفة
أقصى الأمنيات
طب جاوبني وف سكات
س/سؤال
،،،،،،،،،،،،،،،،،
ضامن انت لما هتجيب الجديدة
تملا دارك بالعيال
تملا م الصبيان شوال
كل أعمارهم مديدة
طولها أطول م الخيال؟
،،،،،،،،،،،،،،،،،،،،،،،،،،
ضامن الحنية ف قلوب الولاد؟
خدت صك بانهم ضد الفساد
ف المبادئ ع الحياد
كل دا بيقدره رب العباد
،،،،،،،،،،،،،،،،،،،،،،،،،،
إرضى بالمقسوم وخفف م العناد
البنات ف الضلمة نور
بهجة وسعادة وسرور
فرحة وبتملا الصدور
ع الصراط سبب العبور
فى الجنان صفوة وحور
ا لبنات زي العطور
ريحة وحلاوة وحضور
لجل نوصف
عمر ما تكفي السطور
بقلمي✍
ناهد الموجي
شاعرة مصرية