طول مافيكي شباب متعافي
اوعاكي في يوم تخافي
من اي طوفان يجيلك
ده انا فارس نيلك
قبل متنادي بجيلك
وان غدر الموج
يشوقو سيف مجدافي :
انا اصلي مراكبي
عشقك في قلبي
كعشق القلع للصاري
متعلق دايما في شاغوله
وهواكي ينام في طوله
زي الموال صاحب ارغوله
في لليل الصفا وسافر
وبقالي سنين بعافر
غاليوني مايوم يتاخر
طول مابغربل نهرك
لاجل مااحوش مهرك
واشبك هيلب غرامي
في شط عنيكي واتمدد
واشدد :في حبال شبكي الزريد
حالف عمره ما يتفرد
خايف تهرب منه الشهامه
وغزل الاصاله يتارد.
#شعر سعيد حمدي
ليست هناك تعليقات:
إرسال تعليق