ليه ..؟ .. بقلم .. بتول العتربي

من زمان وفى نقطة تانية
عشنا فيها ع الوعود
قلت لى حبك يا غالية
حب ما يعرف حدود
وانكتب عهد ما بينا
حبنا عدى السدود
وافترقنا فى ساعة كانت
خافية عنا فى الوجود
بعدها احنا اتقابلنا
اختلفت بينا المشاعر
والمشاعل اختفت
من ع الخدود
والأمانى اتبدلت
وانتفت كل العهود
لو صحيح كلمة بحبك
حرة عن كل القيود
لو فى قلبك حب ليا
كنت تفرح لو تعود
كانت الأشواق تجيبك
وانت حامل الورود
بس وعرفنا النهاية
حبنا عمره ما يطرح
جنة فى حضن البرود
# بتول العتربى

٧