💚 احلي البلاد💚 بقلم .. محمودالمهدي

💚 احلي البلاد💚
بلدنا ياغاليا يااحلي البلاد
في حبك يابلدي يدوب الفؤاد،،

تروح الحسين وخان الخليل
علي القهوه قاعد عمك حسين
بعوده يغني ياليلي ياعين،
وصوت الأذان يطوف ف المكان
ف وسط الزحام تحس بأمان
وتدخل تصلي مابين العباد
بلدنا ياغاليا يااحلي البلاد
في حبك يابلدي يدوب الفؤاد
تشوف الجناين وكورنيش جميل
وحمص عم سيد وترمس عبير
وعشاق كتير ماليهم مثيل
جايين يشتكولك وجعهم يا نيل
في حضنك يلاقو الحنين والوداد
بلدنا ياغاليا يااحلي البلاد
في حبك يابلدي يدوب الفؤاد
تشوف في تاريخها عجيب العجاب
ف اهرمها الثلاثه تشوف الصعاب
تحدي ولادها معدي السحاب
وجندي يحارب اعادي وكلاب
بيفرح لما يسمع حي علي الجهاد
بلدنا ياغاليا يااحلي البلاد
في حبك يابلدي يدوب الفؤاد
#محمودالمهدي

٦