رسالة .... شعر على ياقوت الزعيفى

رسالة
ليه الناس بتكره
ليه الناس بتغير
دا هو نفس طالع
ونفس داخل
يمكن يكون الاخير
ونقرة صغيرة دخلينها
واضه ضلمة مدهونة
من غير جير
ومترين قماش بيض
وفص قطن
كمان مش حرير
يعني فى النهاية الكل واحد
مفيش وزير وغفير
والماشي على ارضها
زى ال فوق بيطير
وساكن القصور
زى ال فارش حصير
وال راكب سيارة فاخمة
زى ال سايق حمير
والمية فى التلاجة
نفس مية الزير
والكل بيبات شبعان
ال واكل عيش حاف
وال متعشي فطير
مش حيقعدلك بعدها
ال عمايل الخير
اعملها وسيب الباقي
على الله
هناك يوم عسير
ومش طابور واحد
ياحلو دول طوابير
خليك كويس واعمل كويس
واحسن خطوط
السير
شعر
على ياقوت الزعيفى