قصايد عشق مهجورة
مفيش فيها اشتياق يعني
لأني بقيت إطار صورة
اخدناها سوي مرة
ف لحظة عشق مجنونة
و كانت ضمن كام لقطة
ف ليلة بروحنا مسكونة
و رغم الفرقة و بعادك
انا باسهر و اعيش فيها
و باستحضر اوي معادك
و اروح للصورة و اناديها
تقول لي ما جتش ليه بدري
يا تايه لسه ف اللي نسيك
يا بايع بكره لامبارح
و ساجن دمعتك ف عنيك
يطول بينا السهر صمتا
و اشوفك طيف ملان أحزان
و فجأة ذكريات شاردة
تفكرني.... حبيبك خان
#فهمي_علي
ليست هناك تعليقات:
إرسال تعليق