زينب ******الشاعر .. رضا أبوالغيط

رضا ابو الغيط

زينب

******
لما تركت........ الغُربه وجيت
زينب...... ما كانت ف البيت
فتغديت .........هَم وأحزان
بعد ما قُمت يا ناس صليت

واستنيت...... زينب ما تعود
لجل ما أشوف الواد مسعود
واتمنيت ......م الدنيا تجود
بالأفراح......... حوالين البيت
زينب كانت .......ضى العين
ما ف يوم قالت ...رايح فين
قاعده تِعد......... العمر سنين
بعد ما فُت... البيت ومشيت
زينب غابت ....والليل جاى
والأحزان .....بتواسي الناى
اسأل عنها......... فين وازاى
ومنين أبدأ........... لو حبيت
قمت جريت على دار الخال
وسألته ........كيف الأحوال
رد وقالى ...الحال مش عال
مش عارف.. . ليه اتخضيت
فتركته..... وجريت ع الخاله
ماهى أمى مش عاوزه قواله
وبسرعه .....قُلت لها يا خاله
فين زينب .......نوارة البيت
فقالت لى..... إهدى يارجال
وتعالى ....عيزاك ف سؤال
بيعدوا........... كيف الأموال
لو حبيت... كده أزور البيت
قُلت لها. ..فين ذينب يا أمه
وعيالى......... والناس واللمه
فقالت لى...... إسأل ع العمه
دى ف غيطها طارح شُبيط
قُلت لها............ يا أمه دلينى
فين زينب. ..ومعاها سنينى
فقالت لى.. روح يا مسكينى
على أبوها ...ولا أنت نسيت
وساعتها .....قلبى المشغول
عاد نبضه .....لحاله المعقول
وندانى ......فوق يا مسطول
حِدا أبوها من يوم ما مشيت
***************
رضا أبوالغيط