منتوش بشر ...!!! بقلم .. سمير محمود

(إلى أحقر الأشخاص وأردأهم كتبت)
منتوش بشر انتوا حجر
حتى الحجر منكم نفر
..................
انتوا الصديد جوه الجروح
انتوا الخسيس لما يبوح
انتوا العفن دايمًا يفوح
انتوا الشيطان اللي كفر
...................
انتوا اللي لطختوا الجمال
انتوا اللي طفيتوا الأمال
انتوا اللي وزعتوا الضلال
انتوا الوباء اللي انتشر
..................
جواكوا ميت كل شيء
الصدق في بحوركم غريق
والكذب في قاموسكم صديق
والكره في قلوبكم فجر
.....................
متعقدين والعقدة زادت غلكم
ومفكرين الدنيا وقفت عندكم
ومزوقين بس الدمامة طبعكم
مات الحنان فيكوا انتحر
................
ياكدابين الكدب بان
بايديكوا ضاع الحب هان
يلا ارحلوا سيبوا المكان
وكفاية منكم مابدر
#سميرمحمود

أعجبني

تعليقمشاركة

التعليقات

اكتب تعليقًا...