ترنيمة لحبيبتي ..........محمدعبدالرحيم

محمد عبدالرحيم

ترنيمة لحبيبتي
..........
يبكي القمر .. على صدرك
المليان هموم . .
تنزل دموعه الفضة على
توبك ..
تكتر بيوت الحزن حواليكي ..
تكتر دموع الهم في عينيكي
إيه إللي نابك ولا حينوبك ..
إيه إللي من بعد
البكا مكتوب .. وإيه حيمر
غير الألم وليل بلون القهر
كتر البكا خلاكي تنسي
الصبر ..
وكل يوم الفجر بيفوتك ..
مابتلحقيش الضهر قبل
العصر . .
مابتحضنيش الشمس لما
تميل ..
مواويل على نيل الأسى
والمر
وألف حاجة بتتحرق وتموت ..
وألف حاجة بتتسرق م العمر
..........
محمدعبدالرحيم