Zainab Selim 
{{{{ 
خليك صابر .. }}}}
خليك صابر .. }}}}====================
خليك صابر مهما تآسي
تلقى الشدة بسرعة تهون
ربك خلقك ومهوش ناسي
إن الضعف دا فيك مسكون
أيها دمعة حزن إنساها
واغسل همك كدا واتوضا
ربنا خلق الروح وحماها
إركع واسجد روحك تهدى
ربنا قادر يمحي همومك
ويبدلها . . . بفرحة كبيرة
قرب منه بصلا وبصومك
تلقى الدنيا سهلة يسيرة
اياك يوم تشكي لمخلوق
أو تكشف همك للغير
إدعي ربك . . لو مخنوق
مش هتكون محتاج تفسير
اصل الشكوى لغيره مذلة
وتخلي حياتك دي مشاع
لو تصبر . . . . تنزاح العِلة
ولا هاتعيش فــ هموم ونزاع
اللي هاتشكي حالك ليه
حاله جايز أصعب منك
يمكن تشفق إنت عليه
لما تشوفه صابر عنك
اللي يجرب هم الغير
يلقى همومه .. عليه بتهون
اصبر ... بكرة يجيك الخير
دامفيش حال بيدوم فــ الكون
ليست هناك تعليقات:
إرسال تعليق