من غير تفصيل .. الشاعر .. فهمى على نصر

من غير تفصيل
و كلام مواويل
انا صبح و ليل
مش عارف افوق
جوايا حاجات
مش اي حاجات
و خيال لو فات
باصبخ مخنوق
بكره اللي ما جاش
و الصبح اتحاش
و أمل ما اتعاش
و الظن السوء
لما الأصحاب
يصبحو اغراب
فتسد الباب
و بترمي الطوق
تفقدها نجاة
و تعيشها حياة
على صوت الآه
طالع مزنوق
اهلك طب فين
و بيجو منين
بيقولو ضنين
و الجيب مخروق
مع ان صفاك
طارح براك
و الخير وياك
بيوفي حقوق
فبلاش تحتار
بين جنة و نار
ما هي دنيا مرار
و رغيف محروق
صدقني خلاص
سيب الاحساس
ماهي كل الناس
بتحب تدوق
الأجر هناك
عند اللي نشاك
هيشيل وياك
و يسد شقوق
#فهمي_علي