* فين الحق ؟** ********************كلمات /رضا أبو الغيط

رضا ابو الغيط

‏

** فين الحق ؟**
********************
مين هايقول الحق يا فاطمه
لو يوم مات...... الحاج فلان
مين ها يقيد النور ف العتمه
لو يوم تاه .......فينا الانسان
ردى يا غاليه ...وقولى الحق
فين ها يلاقى.... الحق مكان
طول ما الباطل..... بره الشق
واللي بيشقى.. ما لاقي امان

مين راح يزرع فولنا الصويا
وللا يحنن......... قلب أخويا
بعد ما مات الحاج يا فاطمه
انسى تقولى...... كلمة ابويا
بعد الحاج - الحق يا فاطمه
تِنسى الفرح ...وترمى البويا
كان من امتي الفرح بييجي
ويزور ناس عايشه ف توهان
عارفه يا فاطمه ...بعد الموت
صعب الدنيا .......تانى تعود
والأفراح....... لو شالها تابوت
مايرجعها ...........ناي أوعود
وللا كام........ راقصه بالنبوت
تقدر توقف........... عِند الدود
كان من امتي القبر يا فاطمه
قلبه حنين.... ..... ع الغلبان
بعد الحق...... ما ضاع واتهان
من انسان ..مخلوق من طين
مين هيآمن.... .... يوم لجبان
عمره ما خاف من يوم الدين
فاطمه يا غاليه..يا نن العين
اعصرى قلبك.... فوق الطين
يمكن يطرح........ بني أدمين
بدل البوم ده .......والغربان
***********************
كلمات /رضا أبو الغيط