استخبي جوه حضني .... الشاعر .. سمير محمود

استخبي جوه حضني
لو يصيبك شيء يصيبني
وإن ضمير الكل سابني
ياحبيبتي مش هسيبك
.................
اداري فيا ومتخافيش
لو تعيشي راح اعيش
وان رحلتي متقوليش
انه عيبي ولا عيبك
................
احضنيني بكل قوة
هما ضعف واحنا قوة
احنا عز وهما نسوة
فاحرميهم من مغيبك
.................
متخافيش صوت المدافع
بكره جاي الفجر ساطع
واللي موجوع يبقى واجع
بكره يشكوا من لهيبك
..................
شبكي ايدك ف ايدي
جري دمك من وريدي
وارمي نارك فيا قيدي
تهزمي خوفك وريبك
..................
اوعي تبكي من رصاصهم
فكري وبس ف خلاصهم
تدفني في الذل راسهم
وان وصلتي لحد شيبك
#سميرمحمود

أعجبني

تعليقمشاركة

التعليقات

اكتب تعليقًا...