أنا بحبك م الآخر ... بقلم .. عبدالله عبداللطيف عبدالله

عبدالله عبداللطيف عبدالله

أنا بحبك م الآخر
إحساس عظيم وشعور فاخر
على شطوطك أنا غنيت
صبرت ياما .. وإستنيت
ولما جيتى حضرت وجيت
وأحلف من جنبك ما أتاخر
أنا بحبك م الآخر
إحساس عظيم وشعور فاخر

وسكنت قلبك فى الملكوت
فى البعد والله قلبى يموت
كتابى إسمك فيه مخطوط
يا نبض فى بحرى بواخر
أنا بحبك م الآخر
إحساس عظيم وشعور فاخر
وأبوس إيديكى وأبوس راسك
بحس روحى فى إحساسك
جمله مفيده فى كراسك
العشق فى زمنن ساخر
أنا بحبك م الآخر
إحساس عظيم وشعور فاخر
أبيات قصيدتى من شطرك
وكتبتها علشان .. خاطرك
حرفى بيتهجى ف سطرك
وكلام يطقطق فى مباخر
أنا بحبك م الآخر
إحساس عظيم وشعور فاخر
عبدالله عبداللطيف عبدالله
#عبدالله_عبداللطيف