مش قولت امشى
،،،،،،،،،،،،،،،،،،،،،،،،،،،،،،،،
خلاص همشى
اوعى تفكر أنى
واقفه على بابك
و دموعى مغرقه أعتابك
دا غرور منك يا ابنى
انك فكرت انى
دايبه فى هواك وعذابك
فكرت كلامى معاك حب
وعاشقه هواك وترابك
لا سيدى فوق من أوهامك
أنت يادوب ليك
نظره وسلام منى
تكفيك اللى باقى من حياتك
وتفضل تحلم سنين عمرك
وتتمنى لحظه تعشها
معايا بس يادوب فى أحلامك
دورت وبتدور ولسه هتدور
على واحده تكون شكلى
او تشبهلى او فيها حاجه منى
هههههه هههههه ههههههه
تبقى عبيط وخيالك راح لبعيد
أنسى تلاقى زى حد
استحمل هجر وغدر
وكله باسم الحب
بس هنا وكفايه.
مفيش بعد الخيانه عهد
وشوف هتعيش ازاى من بعدى
وملكش عندى غير الرفض والصد
ليست هناك تعليقات:
إرسال تعليق