غامض
،،،،،،،،،،،،،،،،،
أنت مين فيهم
ساعة فرحان
ساعة زعلان
وساعة غاضب
بوجودي معاك
أنت مين
،،،،،،،،،،،،،،،
احترت في أمرك
وحيرتني معاك
أفرح أتهنى
بوعدي معاك
وفي نفس اللحظة
خوف وحيرة
وعدم أمان
تهرب تروح لبعيد
لأبعد مكان
ومن غير ما أحس
ألاقيك ساكن قلبي
بشتاقلك وتشتاقلي
ونسهر مع الليل
والقمر والنجمات
وعلى قد ما ضحتك حلوة
حزنك في قلبك
بالكوم وما بتنام
كتوم وجواك بئر أسرار
بس عنيك بتبوح
وصوتك بينوح
عايز تفرح وتغني
وتهلل من الفرح
بس مكسوف خجلان
وخايف من الأيام
وأنا في قلبك
واقفة على شطك
ساعة بشركك
وساعة بهرب منك
خايفة أدخل وأتربع
ألاقيك فجأة
بتهرب مني
وكأنك ولا يوم تعرفني
آجي أمشي
تصعب عليا
وكأنك ابني
اللي مزعلني
تكلمني برجعلك
في ثانية
أنت غامض
،،،،،،،،،،،،،،،،،،
محتارة في أمرك
وحيرتني معاك
وأنا اتخنقت
وفاض بيا بجد
ومش قادرة
أقسى عليك
أو أكونلك
وأكون مشفقة عليك
ليست هناك تعليقات:
إرسال تعليق