" قصيدة عامية "
" بعنوان "
" خط أحمر "
- - - - -
نفسه يشارك
نفسه يبارك
للأحلام
العايشه زمانه
اللي ما فارقت
مرة خياله
اللي ما غابت
يوم عن باله
عايشه معاه
تضحك ع الكلمة
أصلها ماتت
ياما ناداها
ولا تسمع له
سابته يعاني
جوا حكاوي
وياما قالت له
وبرضه عادت له
وبعدها كانت
بتسيب طيفه
وتفضل ماشية
سكة طويلة
لأحلام حافية
جواه عاشت
نفس الحلم
بتدور على حالة مواتية
كانت أمله
تبدر صورة الضحك
ف نور خطاويه
في زمان لكن
شارد منه
وخلاه رافض
حلم وكان
من وهم زمان
سايب روحه
تعيش الدمع مع الأحزان
صعب يخش
معاها مواجهة
وهي معاندة
لكن ساومت
أرض الواقع
إنها تقبل
أي معاهدة
والروح رافضة
تبقى مساندة
سابته يفكر
رسمت جوا الأحلام
بينهم ألفين سد
وبين الكلمة
وبين الفكرة
كام خط أحمر
هي بتحكي عن شيء
دايما مش بيكفي
ولا بيوفي
وهو قصادها
دايما صامد
قالت قرب
والمس كفي
يمكن هتلاقي الحنية
رسمت إنها
هي ضحية
دمعت عينه
وجريت رجله
في ساعة بتسحب
منه دقايق عمره الجاي
شاف هناك
قلبه اللي عاشق
شاف ضمير
بالحق صادق
كان مواتي
في بحر عاتي
ويا موج يحكي الحكاية
بصوت حزايني
عقله كان
عمال يفكر
في اللي جاي
وفي اللي ماشي
قلبه شاكي
بس صوته ما اشتكاشي
همه فاض
ف القلب زاد
وابتدأ يحن لميعاد
تتكتب فيه القصيدة
أنتظر تنده حروفها
يوم ماتهرب
من كسوفها
ومن دموعها
ع اللي باكي
وع اللي مات
هو برضه كان ضحية
عشانها هيه
لما داق طعم العذاب
بس كان القلب فاكر
لما كان بينهم وداد
عاش حالات
كات مغادرة
دنيا غادرة
وحلمها كان هم زاد
يحكي ع البر اللي حاصل
واللي كان
سبب البلا
ودمع الولاد
شاف ملامح
ناس غريبة
جم شافوها
جم خادوها
وهي باينه له دمعة
في عين عباد
كلمة كانت
يوم جريئة
تكشف الأسرار حقيقة
لابسة لون كل المعاني
وهي شاردة
وهي هاربة
في الغياب
بس راسمة
بين طريقها
خط أحمر .
- - -
بقلم / على محبي
ALY mouhey
أبو وليد
من ديوان ان شاء الله
تحت الطبع
" بعنوان "
" خط أحمر "
ياللا تعليقات
وصلوا على نبي الأمة
سيدنا محمد
الأثنين 25/ 11/ 2024
هذه القصيدة مدونة ومحفوظة
بدار النشر
" يارب تنول اعجابكم "
ليست هناك تعليقات:
إرسال تعليق