حبك حرية
ودعت....كتير من أحزاني
وبدلت الباقي........ بحنيه
زرعت.. ف ربعك أشجاني
مستني الحب سنين جاية
قبلك...مظلوم وأنا الجاني
معرفتش....... للحب هوية
أشكيلو.......ويطلع سجاني
وعذابي........يسميه حرية
همسي...لو مر على لساني
فينك......يا زمان العبودية
نبضي...لو يسري بشرياني
ياريت يهدى النبض شوية
ف هواكي..هاكمل نسياني
دا حزن زمان......كله أسية
بروحي أجيلك.......وكياني
وأعيش... أحلامي الوردية
أناولك...... من شهد حناني
حياتي خلاص...ملك إيدية
لقيت حبي....رفعت تيجاني
وهااعيش ف وصالك حرية
*************************
بقلم/عبد الكبير محمد أحمد جمهورية مصر العربية المنيا
ليست هناك تعليقات:
إرسال تعليق