............ حساب كبير ..........
من يوم ما قلت انا راجع
ما أنت روحت من غير متقول
صحيت جوايا ألم المواجع
إللى عمرها ما تتنسى ولا تزول
بينى وبينك حساب كبير
عمر البعاد ما يخلينى أنسى
ولا السنين اللى راحت تنسى
كل اللى عشته فى وجع مرير
من يوم ما قلت انا راجع
كل اللى عملته فاكره النهارده
فى كل مكان فيه مواجع
ما تتنسييش ولو العمر عدى
عايشه فى حياتى ولها تأثير
كل سطر من عمايلك له ذكره
لسه جووايا وليها بصمه
عشتها فى ليالى طويله ومره
وقساوتك عليا بلا رحمه
وملقتش منك إلا غلطات كتير
عايز ترجع تعالى وحاسبنى
و ح قسى عليك بكل ضمير
عشت معايا وانت بتخدعنى
ونزعت كل أغصانى من الجذور
مش ح قبل منك دمع ولا إعتذار
ولا كلمه حلوه ولا باقة زهوور
انت دوقتنى طعم الحلاوة مرار
وشهدت عليك الشجر والعصافير
خلاص أنتهت وانا أخدت القرار
لو رجعت ح طفى م حياتك النور
...........................................
........ د . حسن الشوان 
...
...
ليست هناك تعليقات:
إرسال تعليق