قصيدة
منشور شاعر مغمور
عامية مصرية بأوجاع عربية بقلمي
أشرف محمد السيد
أشرف محمد السيد ☆•••☆•••☆•••☆•••☆•••☆•••☆•••☆
جاب الفقر وجاب شنيور
والأيام بتلف تدور
الجربان أصبح متشيك
وإبن أصول ف ديون محشور
الجاهل يرسم و يعلم
يفتي و يفبرك و يشور
والفاهم تعبان متألم
قالوا عليه شاعر مغمور
وإللي بيسرق ف الجمعية
لِم فلوس و اشهد بالزور
شوف كام واحد واخد لحمة
والغلبان ماشي ف الصور
كُله يسقف للهليبة
يا ما عبيط بفلوس مغرور
دنيا و قالوا غريبة عجيبة
فيها النحلة و الدبور
زحمة وتفرم من غير رحمة
وإللي بيكرف ع العصفور
فين الدين وبنات محتشمة
ضاع العدل وراح النور
هتمشي واسيب الدنيا بحالها
قالوا ف داهية امشي و غور
هَرجَع تانى و ألِف بوِشي
هفضح و أكشف المستور
هكتب و أعمل شعر غنائي
جايز تطرح أرض البور
ربك قادر ، ربك عادل
و المقهور يصبح منصور
وإللي بيفهم وإللي هيفهم
إبن حلال و اصيل وغيور.
☆•••••••••••• بقلمي
أشرف محمد السيد
ليست هناك تعليقات:
إرسال تعليق