قلبي غلبني
في اخر المشوار
قلبي غلبني
وانا ماشي في ليل قاسي
مكروب والهم راكبني
وبقلب حزين تقابلني
في ليلة نص قمراية
وعيونها السودة بصتلي
ورموش عيونها غمزتلي
وبصوت مبحوح ندهتلي
تعالي نكمل المشوار
في حضن قلبي وهنايا
ومن هنا بدأت الحكاية
مع حب جديد لكن مغوار
ما فاتش علينا وقت كتير
لقيتني غارق في التفاصيل
وحضن جميل يطمني
وطار الحزن اللي جوايا
والليلة قلبت قمراية
في ليلة بدر اربعتاشر
وشفايف الورد لمستني
بلمسة لكن كانت حكاية
نسيت الدنيا واحوالي
اتاري الريق كان حالي
غنيت معاه انا موالي
خلاص الكرب راح عني
والحزن كمان دا فارقني
وكملت كل الحكاية
مين اللي قال بيتساوو
لكل وردة ريحة وحكاية
وهي دي كانت البداية
مع حب جديد بينعشني
لقيتني شاب في العشرين
وهي جميلة وقمراية
العمر اللي في البطاقة
غير العمر اللي في المرايا
غير العشق اللي جوايا
مع اجمل اسرار الحكاية
ومش هقول باقي الرواية
وسلامتكم
بقلم الشاعر ..
احمد محمود
من ديوان سكة العاشقين
ليست هناك تعليقات:
إرسال تعليق