الحب كله ****بقلم .. عادل جاد

عادل جاد

الحب كله
****
على مر الزمن وكل السنين
مين يقدر يرسم البسمة ف العين
طول م القلب جواه آهات وحزين
دا مين يقدر يحبس الدموع
طول م القلب جريح موجوع
يالى بتلومنى فى أحزانى
الهنا خلاص باعنى ونسانى
ناداته كتير عمره ما جانى
العمر جريت وراه ما استنانى
دمع العين جف ما واسانى
عايش العمر مهموم باعانى
لسة مع بكرة وخدانى الأمانى
مهما طال م الهنا حرمانى
ألاقى فى يوم بالهنا مكانى
مهما الجراح عليا تدوس
وتلف وتدور بيا بين تروس
نبض الأمل بقلبى محسوس
كأن الأمل أتخلق ليا مخصوص
الهنا موش فى المال والفلوس
عشان كدا كل البشر مغشوش
بتوهم الهنا وأصله متعوس
الهنا فى حب له الانتصار
القلب بالوفا له سكن ودار
ما يكونش حصاده مرار
دا الحب اما جنة أو نار
مين مع الحب عاش باستقرار
مين فى الحب قادر يحد قرار
دا قلب البشر قلاب غدار
أصحى بقا وفوق يا مان
دا الحب أصله رضا وإيمان
وانت بتضيعه وتعيب للزمان
بتقتل بأيديك كل الأمان
بتعيش حياتك ذليل مهان
موش لاقى فى الهنا مكان
الحب بينا طير مكسور الجناح
مذلول بيطلب الرضا والسماح
من غيره المسا زى الصباح
إللى جاي شكل إللى راح
كل القلوب ملوها جراح
النهار ده زى أنبارح
الأخ لاخوه موش مسامح
الكل لسانه وفعله جارح
بس من غير لوم ولا ملامة
كل واحد عايش فى دوامة
فاكر أن جواها السلامة
الطمع والغدر لها سمة وعلامة
حصاده وأخرته فيها الندامة
فيه شيئ بيلف ويدور عليه
موش شايفه أودام عينيه
موش لاقيه باللى حواليه
دا هو جواه وموش لاقيه
دا هو الحب وبخيل بيه
***
بقلم ..
عادل جاد